بمي چاودنو پنځه پاکستاني پوځیان ووژل

د پاکستان په کویټه او شمالي وزیرستان کښې د بم په چاودنو کښې د دغه هیواد پنځه پوځي ځواکونه وژل شوي دي.

د پاکستان امنیتي چارواکو وویل چې پرون د بلوچستان صوبې په مرکز کویټه ښار کښې د یو پوځي ګاډي په لاره کښې د بم چاودیدو په وجه درې پوځیان مړه او څلور نور زخمي شول..

دغو چارواکو همداشان زیاته کړه چې په شمال وزیرستان کښې د یو پوځي ګاډي په لور د لاسو یو جوړ بم وروغورځول شو چې پکښې دوه پاکستاني پوځیان مړه او دوه نور ژوبل شول.

د دې ترهګرو حملو پړه تراوسه چا نه ده منلې.