د جیش محمد ډلې مشر په تور فهرست کښې شامل شو
-
دپاکستان دبهرنیو چارو د وزارت ویاند محمد فیصل هم تائید کړه چې اسلام اباد به سمدستي د جیش محمد ډلې د مشر پرضد بندیزونه ولګوي .
زمونږ خبریال وایی د ملګروملتونو د بندیزونو دیوزر دوه سوه اوشپیتمې (۱۲۶۷)کمیټۍ پرون د جیش محمد ټروریسټی ډلې مشر مسعود اظهر د نړیوالو ترهګرو ډلو په فهرست کښې شامل کړ.
د ملګروملتونو دغه اقدام دچین لخوا له اعتراض پاې ته رسیدا وروسته ترسره شوی دی .
د ملګروملتونو د داعش او دالقاعده پرضد د بندیزونو کمیټۍ په یوې (۱) خبر پاڼه کښې له القاعده ډلې سره د جیش محمد ترهګرې ډلې دمشر مسعود اظهر د اړیکو د لرلو په خاطر هغه دترهګرو ډلو په فهرست کښې ورزیات کړ.
هندوستان له ۲۰۱۶ میلادی کال راهسې د ملګروملتونو د ترهګرو ډلو په فهرست کښې د جیش محمد ټروریسټی ډلې د مشر مسعود اظهر د نوم د شاملولو لپاره هڅه پیل کړی ده .
جیش محمد ترهګرې ډلې دروان میلادی کال د فرورۍ په څوارلسمه(۱۴) نیټه د هند ترکنټرول لاندې دکشمیر په پلوامه سیمه کښې په سرحدی پولیسو د ترهګرې حملې چې له کبله یې څلورڅلویښت(۴۴) عسکر وژل شوی وو مسولیت پرغاړه اخیستی وو .
دپاکستان دبهرنیو چارو د وزارت ویاند محمد فیصل هم تائید کړه چې اسلام اباد به سمدستی د جیش محمد ډلې د مشر پرضد بندیزونه ولګوی او زیاته یې کړه په دغو بندیزونو کښې خارج ته د مسعود اظهر په تلو بندیز دهغه د شتمنیو کنګل کول او د وسلو بندیز شامل دی .
