د پاکستان په پائتخت کښې غېر معمولي امنيتي حالت اعلان شو

د پاکستان فوځ پرون د اسلام آباد په ځينو سيمو کښې په غېر معمولي توګه امنيتي حالت اعلان کړ.

زمونږ د خبريال د رپوټ له مخې د پاکستان فوځ په يوې بيانيه کښې وويل، اسلام آباد ته د يو شمېر ترهه ګرو د ننوتلو له اطلاعاتو وروسته په دغه ښا رکښې غير معمولي  امنيتي حالت برقرار شوےدے.

په ښار کښې په ځينو مهمو ځايونو کښې سخت حفاظتي اقدامات شوي دي.او د پاکستان فوځ له عامه خلقوغوښتي دي چې له غېر ضروري تګ راتګونو دې ډډه وکړي او د مشکوکو مواردو په ليدو دې امنيتي ادارو ته اطلاع ورکړي.