د هندي ځواکونو په ډزو کښې یو بل پاکستاني پوځي ووژل شو

د پاکستان یو بل پوځي د کشمیر په کنټرول لاین کښې د هندوستان له سرحدي ځواکونو سره په نښته کښې وژل شوی دی.

د پاکستان پوځ په یوه خبرپاڼه کښې ویلې دي چې د هندوستان سرحدي ځواکونو د کشمیر په کنټرول لاین کښې یوځل بیا د اوربند په خلاف ورزۍ سره د ناصر حسین په نوم یو پاکستاني پوځي ووژه.

د هند سرحدي ځواکونو دوه ورځې مخکښې هم په کشمیر کنټرول لاین کښې د ډزبندۍ په خلاف ورزۍ سره د غلام رسول په نامه یو پاکستاني پوځي وژلی و.