د پاکستان پوله د ايران د تجارتي سامانونو په مخ پرانېستل شوه

د ايران د ګمرک وياند د ايران د سوداګرۍ د سامانونو د ځاے پرځاے کېدو لپاره د پاکستان د پولې د خلاصېدو خبر ورکړ.

د ايرنا د رپوټ له مخې سيد روح الله لطيفي د دې خبرې په بيانولو سره وويل، په پاکستان کښې د تفتان ګمرک ته د دولسو ټرکونو په ننوتلو سره له څو ورځو نه وروسته د ايراني ټرکونو د تګ راتګ چلند بيا شروع شو.

د ايران د ګمرک د وياند د وېنا له مخې د ايران ګمرک د دواړو هېوادونو ترمېنځ د سامانونو د ټرانسپورټ د چلند د ګړندي کولو لپاره له پاکستاني چارواکو سره د صلاح مشورو په حال کښې دے.