کراچۍ کښې د (فلسطین او د پاکستاني ځوانانو رول) غونډه جوړه شوه
د (فلسطین او د پاکستاني ځوانانو رول) ترعنوان لاندې انټرنیټي غونډه د پاکستان په کراچۍ ښار کښې ترسره شوه.
ایرنا خبري آژانس لیکلي چې په پاکستان کښې د سیاسي او مذهبي ډلو ځوانو مشرانو او حقوقي فعالانو په کراچۍ ښار کښې په (فلسطین او د پاکستاني ځوانانو رول) نومې ویډیو کانفرنس کښې د ملګرو ملتو په شمول د نړیوالو ارګانونو په کارړنګونو او د فلسطین په وړاندې او د صهیونیسټي رژيم له طرحو سره د مقابلې په وړاندې د اسلامي ملګرتیا سازمان په پيکه رول نیوکه وکړه.
هغوي ټینګار وکړ چې د صهیونیسټي رژیم له نیواکه د قدس شریف آزادي د اسلامي نړۍ د واکمنانو په تیره بیا د مسلمان امت د ځوان نسل بیداري غواړي.
د پاکستان ځوانو پوهانو، سیاستوالانو او د مختلفو سیاسي او مذهبي ګوندونو ځوانو مشرانو په خپلو ویناؤ کښې د امریکې د (پیړۍ د معاملې) د طرحې په غندلو سره هغه د فلسطیني ټاټوبي د نیواک لپاهر د امریکې د ولسمشر ډونلډ ټرمپ او صهیونیسټي رژیم ګډه دسیسه وبلله او د هغې په اړه یې خبردارې ورکړ.
