انډونیزیا کښې الوتکو هم ماسکونه واچول

زمونږ خبریال وايي په انډونیزیا کښې حکومت له کورونا ویروس څخه د خلکو د خبرولو لپاره ځانګړي اقدامات ترسره کړي دي او په الوتکو باندې یې هم په رنګ سره ماسکونه جوړ کړي دي .

د انډونیزیا حکومتي هوايي چلند «ګاروډا»  د خلکو د معلوماتو د زیاتولو لپاره د حکومت د کمپاین په لړ کښې په الوتکو باندې ماسکونه جوړ کړي دي .

دغه هوايي چلند په پینځو (۵) الوتکو باندې ماسکونه جوړ کړي دي چې په  خلکو کښې له کورونا ویروس څخه د بچ کیدا لپاره د ماسک د اچولو شعور او  پوهه پیدا کړي .

د انډونیزیا حکومتي هوايي چلند د الوتکو مخ ته برخې باندې داسې ماسکونه په رنګونو سره جوړ کړي دي چې په لیدو سره داسې ښکاري چې الوتکو ته ماسکونه اچول شوي دي .

په کومو الوتکو چې ماسکونه جوړ شوي دي هغه د انډونیزیا په داخل  کښې او دغه راز خارجي هیوادونوته الوتونه کوي .