امریکا کښې بایډن بریاني مشهوره شوي ده
زمونږ خبریال وايي د امریکا د ولسمشرۍ په انتخاباتو کښې د اوسني ولسمشر ډونالډ ټرمپ له ماتي خوړلو وروسته د ډموکراټ ګوند د کاندید جوبایډن د بریالیتوب جشن په عجیبه ډول لمانځل کیږي .
د امریکا د ولسمشرۍ په انتخاباتو کښې د ډموکراټ ګوند د کاندید جوبایډن د بریالیتوب د جشن د لمانځلو لپاره په نیویارک ښار کښې یوه (۱) رستوران د میلمنو او د ډوډۍ خوړونکو لپاره په خپلې مینو(menu) کښې بایډن بریاني وړاندې کړي ده .
په نیویارک کښې په برونکس سیمه کښې د بنګلادیش په یوه(۱) رستوران کښې له نورو خوندورو ډوډیو سره یوځای د بایډن بریاني په نوم نوي ډوډۍ هم ډیره مشهوره شوي ده چې ډیر خلک یې خوښوي .
د امریکا د ولسمشرۍ په انتخاباتو کښې د ډموکراټ ګوند کاندید تراوسه د الیکټرول کالج درې سوه شپږ (۳۰۶) رایې ګټلي دي خو اوسنی ولسمشر ډونالډ ټرمپ د انتخاباتو نتیجې نه مني .
دا په داسې حال کښې ده چې د امریکا ولسمشر ټرمپ د انتخاباتو له ترسره کیدا څو میاشتې مخکې ویل که چیرې د ولسمشرۍ انتخابات ما وګټل نو هغه سم دي او که ما وبایلل نو په انتخاباتو کښې درغلۍ شوي ده .
