د الوتکې انجن کار پریښود او په لویه لاره کوزه شوه

زمونږ خبریال وايي د امریکا په مینسوټا ایالت کښې یوه (۱)پایلټ کوچنۍ الوتکه په یوې (۱) لویې لارې باندې چې ډیره ګڼه ګوڼه پکښې وي په بیړني ډول کینوله .

د امریکا پایلټ د ارډن هلز سیمې ته نږدې الوتکه په هوا کښې الوځولي وه چې ناڅاپه یې په انجن کښې خرابې راغی او هغه په بیړني ډول د الوتکې د کینولو فیصله وکړه .

پایلټ د الوتکې د کینولو لپاره لویه لاره غوره کړه او په ډیر مهارت سره  په لویه لاره باندې د الوتکې په کوزولو بریالی شو .

له نیکه مرغه په دغه پیښه کښې څوک مړه او ژوبل شوي نه دي .