په یمن کښې هره اونۍ زر کسان له لوږې مړ کیږي
الجزیرې ټیلي ويژن راپور ورکړ په یمن کښې په هرو اوو (۷) ورځو کښې څه د پاسه زر(۱۰۰۰) کسان د ناوړه خواړو له کبله مري .
په یمن کښې فعالو نړیوالو موسسو نن په نیویارک کښې د ملګروملتونو د عمومي اسمبلۍ د شپږاویایمې (۷۶) غونډې په څنګ کښې ټینګار وکړ په یمن کښې هره ورځ په میلیونونو کسان د ژوندي پاتې کیدا لپاره مبارزه کوي .
په بشر دوستانه چارو کښې د ملګروملتونو د سرمنشي مرستیال مارټین ګریفیتس وویل د یمن اقتصاد د نسکوریدا نوي ژورتیا ته رسیدلی دی او کمزوري پرګنې تل د کړکیچ زیات لګښت ورکوي .
د ملګروملتونو د ماشومانو د صندوق یونیسیف (UNICEF)مشر د یمن د یولس(۱۱) میلیونه او درې(۳) لکه کسانو بوږنونکی انځور وړاندې کوي کوم چې د ژوندي پاتې کیدا لپاره د انساني مرستو په ترلاسه کولو تکیه لري .
د ملګروملتونو د خواړو نړیوال پروګرام ډبلیو ایف پي (WFP) هم وویل که چیرې په راتلونکو شپږو (۶) میاشتو کښې اته سوه (۸۰۰) میلیونه ډالره تامین نشي د خواړو د ونډې کمیدل ممکنه ده په راتلونکي کال کې د یمن د څلورلکه (۴۰۰۰۰۰) ماشومانو چې عمرونه یې له پینځو (۵) کلونو کم دي د مړینې سبب شي .
