عربو هیوادونو د اسرائیلو پرمخ دروازې خلاصې کړي دي
المیادین ټيلي ويژن راپور ورکړ د لبنان د پارلمان مشر نبیه بیري په عربو هیوادونو باندې د نیوکې په ترڅ کښې وویل صهیونیسټ رژیم دښمن دی خو عربو هیوادونو د دغه رژیم پرمخ خپلې دروازې خلاصې کړي دي .
د لبنان پارلمان مشر نبیه بیري د هیواد د مطبوعاتو د مسوولو چلونکو د اتحادیې له پلاوي سره په کتنې کښې وویل عربو هیوادونو صهیونیسټ رژیم ته مخه کړي ده او خپلې دروازې یې د لبنان پرمخ تړلي دي .
هغه د صهیونیسټ رژیم د کلابندۍ په ماتولو کښې د عربو هیوادونو په اقدام باندې په تلویحي نیوکې سره د دغو عربو هیوادونو لخوا د لبنان د کلابند کولو او له بیروت سره د تاوتریخوالي په رامینځته کولو نیوکه وکړه .
په تیر میلادي کال کښې څلورو(۴) عربو هیوادونو متحده عربي اماراتو ، بحرین ، مراکش او سوډان له صهیونیسټ رژیم سره د اړیکو د عادي کولو لپاره موافقې لاسلیک کړې چې د ځینو اسلامي او عربو هیوادونو له مخالفت سره مخ شوې .
