دښمن به تر نابودۍ پورې په فلسطین کښې کراری ونه ویني
زمونږ خبریال وایي د فلسطین د جهاد اسلامي غورځنګ د سیاسي دفتر غړي ولید القططی د مقاومت چورلیز د فلسطین د مقاومت د ډاډ سرچینه وبلله او ویې ویل صهیونیسټ رژیم به هیڅ وخت په نیواکي ټاټوبي کښې ارامښت ونه ویني .
د فلسطین د جهاد اسلامي غورځنګ د سیاسي دفتر غړي ولید القططی نن وویل د صهیونیسټ رژیم په زندانونو کښې موجود بندیان د خوشي کیدا لپاره مبارزه کوي او جهاد اسلامي او د فلسطین ملت هغه څه چې په زندانونو کښې تیریږي تعقیبوي او صهیونیسټ دښمن به د فلسطین په هیڅ ځاې کښې تر نابودۍ پورې ارامښت و نه ویني .
هغه د بندیانو د تبادلې د تړون په هکله وویل دغه تړون له حماس غورځنګ سره یوځاې تعقیبوو او هغه مهمه دوسیه او ملي پيښه ګڼو .
په دغه دوسیې کښې هیڅ نوی او رسمي شی نشته او د پرمختګ د شتون په بڼه کښې به هغه اعلان شي .
القططی په دوام کښې د ښارګیو د جوړولو په دوام سره صهیونیسټ رژیم په لاس د فلسطین د ټاټوبو نیواک ته اشاره وکړه او ویې ویل د اسرائیلو رژيم له رامینځته کیدا راهسې د فلسطینیانو پرضد د صهیونیسټ رژیم جنایتونه دوام لري او دغه رژیم غواړي د فلسطین ټاټوبی له فلسطینیانو خالي شي .
