امیرعبداللهیان:
د فلسطین د ولس ارمان د اسلامي نړۍ وړومبنۍ مسئله ده
د ایران د بهرنیو چارو وزیر بیګا په سوریه کښې د دیره فلسطیني ډلو له مشرانو سره په کتنه کښې، د فلسطیني ولس د آرمان مسئله، د اسلامي نړۍ وړومبنۍ مسئله وبلله
د ایرنا د خبر له مخې امیر عبداللهیان چې دمشق ته تلی دی، همداشان یې یوځل بیا د قدس شریف په پلازمینه توب یو واحد فلسطیني حکومت ته د رسیدو او د خپل پلرني وطن تر آزادولو پورې د فلسطین د خلکو له مقاومته په دفاع کښې د ایران د اسلامي جمهوریت په پریکنده ملاتړ باندې ټینګار وکړ.
د ایران خارجه وزیر په دوام کښې د ځینو هغو هیوادونو له اقدامه د خواشینۍ په څرګندولو سره وویل چې هغوي هڅه کوي صهیونیسټي رژیم ته په نزدې کیدو سره په خپلو کورنیو ستونزو باندې برغولی کیږدي.
هغه دغه ډول اقدام د غاصب صهیونیسټي رژیم له ظلم او تیري سره په مقابله کښې د فلسطین د خلکو له لوړ آرمان سره خیانت وباله.
په دغه ملاقات کښې د مقاومت د ډلو استازو هم خپل نظرونه بیان کړل او د فلسطین له مقاومته په دفاع کښې د ایران د اسلامي جمهوریت د ملاتړونه قدرونه او ستاینه یې وکړه.
د ویلو ده چې د ایران د اسلامي جمهوریت خارجه وزیر د سوریې له چارواکو سره د خبرواترو په موخه پرون دمشق ته تلی دی.
