له ایران سره د سعودي عربستان خبرې اترې مثبتې دي
دسعودي عربستان خارجه وزیر ددې خبرې په کولو سره چې دجدې په غونډې کې د عربی ناټو موضوع مطرح نه شوه ،ټينګار وکړ ،ریاض له تهران سره د عادي اړیکو دټينګولو غوښتونکی دی .
ایران پریس خبري آژانس راپور ورکړ، د عربستان خارجه وزیر فیصل بن فرحان په یولړ څرګندونو کې زیاته کړې ده ، دعربستان لاسونه هماغه راز د ایران په لور اوږدۀ دي اوریاض له تهران سره د عادي اړیکو ټینګولو ته ګرهمن دی . دعربستان خارجه وزیر همداراز ووئيل، له ایران سره خبرې اترې مثبتې دي ،خو تر دې دمه هدف ته نه دي رسیدلی اوهیله مند یوو ، په راتلونکي کې دیو لړ بدلونونو شاهدان ووسو .
بن فرحان روښانه کړې ده ، له ایران سره دتعامل لپاره ، ترټولو ښه اویوازینۍ لاره ډيپلوماټیک حل لاره ده . هغه همداراز ووئيل نه د جدې په غونډې کې او نه هم له دې مخکې هیڅکله هم له اسرائيلو سره د پوځي اویا تخنیکي ملګرتیا موضوع باندې خبرې نه دي شوي .
د عربستان خارجه وزیر دغه راز ووئيلر ، دعربی ناټو په نامې سره هیڅ شی نشته او زه نه پوهیږم ، دغه نامه له کومه ځایه راپورته شوې او دا موضوع د جدې په غونډې کې نه ده مطرح شوې .
