د عربستان نیمايي خلک په اقتصادي حالت خپه دي
الخلیج الجدید راپور ورکړ د یوې نظر پوښتنې نتیجې وايي چې د سعودي عربستان نیمايي ښاریز د هیواد له اقتصادي حالته ناراضي دي.
دغه نظر پوښتنه د یوه سیمه ییز تجارتي شرکت لخوا د موسسه واشنګټن په سپارښتنه د روان میلادي کال د جولاۍ د میاشتې له پینځویشتمې نیټې څخه د اګست د میاشتې تر پینځلسمې نیټې پورې د سعودي عربستان له زرو(۱۰۰۰) ښاریزو سره ترسره شوي ده.
د سعودي عربستان د نیمايي خلکو عمومي خپګان د خوراکي توکو په برخه کښې د انفلاسیون او د تیلو په عایداتو باندې د عربستان د زیات اړوندوالي له کبله دی.
د دغه نظر پوښتنې پایلو وښودله چې د سعودي عربستان نیمايي خلک په هیواد کښې په بد اقتصادي حالت خپه دي او دا تقریبا د عربستان د ځوانانو، مینځ عمر او د بوډاګانو ګډ نظر دی.
په تیرې جولاۍ میاشت کښې په سعودي عربستان د انفلاسیون ګراف چې د خوراکي موادو د بیو د زیاتیدا او د ټرانسپورټ او د ګاډو د کرایو او د لګښتونو د زیاتیدا په وجه چې په هیواد کښې د انفلاسیون اصلي عامل دی په تیرو دیارلسو کلونو کښې تر ټولو لوړ حد ته ورسید.
