یمن کښې غنچه ایزو بمونو ۳۷ تنه ووژل
د یمن په ماین پاکۍ باندې د څارنې مرکز پّ یو رپوټ کښې وویل چې په تیره میلادي میاشته کښې د ۱۲ ماشومانو په شمول ۳۷ تنه ملکي وګړي، په دې هیواد باندې له تیري څخه د پاتې غنچه ایزو بمونو په وجه مړه شوي دي.
د یمن په ماین پاکۍ باندې د څارنې مرکز پّ یو رپوټ کښې وویل چې په تیره میلادي میاشته کښې د ۱۲ ماشومانو په شمول ۳۷ تنه ملکي وګړي، په دې هیواد باندې له تیري څخه د پاتې غنچه ایزو بمونو په وجه مړه شوي دي.
د ایرنا د خبر له مخې، په یمن باندې له تیري څخه د پاتې غنچه ایزو بمونو د چاودنې له امله د مرګ ژوبلې دوام په داسې حال کښې دی چې د دغه هیواد په ماین پاکۍ باندې د څارنې مرکز، پرله پسې په دویمه میاشت هم د ماین پاکۍ د عملیاتو لپاره د ملګرو ملتو د مالي مرستې د بند پاتې کیدو څخه خواشیني څرګنده کړې ده.
دغه مرکز ټینګار کړی چې د موجوده حالت دوام به د یمن د ډیرو خلکو په تیره بیا د ماشومانو د معلولیت سبب شي.
د یمن د ماین پاکۍ په کار بندې د څار مرکز له دې مخکښې هم رپورټ ورکړی و چې په تیره ۲۰۲۲ میلادي کال کښې په دغه هیواد کښې د ماینونو او غنچه ایزو بمونو د چاودیدو له امله ۷۳۴ کسان مړه او ژوبل شوي دي.
