د اسراییلي سرتیرو په منځ کې د ځان وژنو پېښو زیاتوالی
د اسراییلي رواني ناروغیو متخصصینو د الاقصی طوفان عملیاتو له پیل راهیسې د میشت ځایونو او اردو سرتیرو ترمینځ د ځان وژنې اوسط کچه کې د زیاتوالې راپور ورکړی.
د اسراییلو د عبراني نیوز په وینا، د رواني روغتیا متخصصینو د کنیسټ روغتیا کمیټې څخه غوښتي چې د هغو کسانو سره د مرستې لپاره اړینه بودیجه چمتو کړي چې د اکتوبر د جګړې په پیښو کې ژوند کوي؛ ځکه چې د دوی په منځ کې د ځان وژنې منځنۍ کچه خورا لوړه شوې ده.
په تل ابیب کې د ایخلیوف په روغتون کې د لوتیم د رواني ناروغیو د مرکز مشرې ټیسفیا سیلګمن ویلي، چې ډېری خلک د ځان وژنې غیر معمولي لېوالتیا لري او دې وضعیت د ځان وژنې هڅې زیاتې کړې دي.
څه موده وړاندې صهیونیسټي شبکې "کان" ومنله چې د غزې په تړانګه کې د ځمکنۍ جګړې په ترڅ کې تر دوه زره زیات پوځیان د رواني ستونزو له امله اعتصاب کولو ته اړ شوي دي.
د صهیونیسټي پوځیانو ځان وژنه چې په رواني ناروغیو اخته دي یوه عامه پدیده ګرځیدلې ده او صهیونیسټي رسنیو په پرله پسې ډول د پوځي ځواکونو له خوا د ځان سوځولو، ځړولو او وژلو خبر ورکړی دی.
که څه هم صهیونیسټ رژیم د «الاقصی طوفان» له عملیاتو وروسته د خپلو پوځیانو د ځان وژنې د احصایې له تازه معلوماتو ورکولو څخه ډډه کړې ده، خو پخوانۍ څیړنې ښیې چې په ۲۰۲۲ کال کې د صهیونیسټی پوځیانو په مینځ کې د ځان وژنې پیښې د پام وړ زیاتې شوی او د دغو کسانو د مړینې لومړی علت وو. .
په تیرو دوو لسیزو کې د اسراییلو په پوځ کې د ځان وژنې په اړه د خطرناکو احصایو سره سره، د اړوند مسلو د درملنې لپاره تمویل او هڅې کمې شوي دي.
