یمنیانو د داعشي ترهګرو خلاف ځانګړي عملیات وکړل
Jan 16, 2025 03:58 Asia/Kabul
یمنیانو د داعشي ترهګرو خلاف ځانګړي عملیات وکړل
د یمن د ملي نجات حکومت د کورنیو چارو وزارت په یوه خبرپاڼه کې ویلي چې یمني ځواکونو د ځانګړو عملیاتو له لارې په البیضاء ولایت کې «حنکة آل سعود» سیمه د داعشي ترهګرو له سپیره وجوده پاکه کړه.
د یمن د کورنیو چارو وزارت په وینا، د دې عملیاتو په لړ کښې، د داعش لسګونه ترهګر ونیول شول او د دغې ترهګرې ډلې د یو مشر "فیصل الخبزي المعین" په شمول یې ډیر کسان ووژل شول.
د یمن د کورنیو چارو وزارت زیاته کړه چې د امریکا او صهیونیسټ رژیم لخوا د داعش د فعالولو هدف دا دی چې یمن د فلسطین د مقاومت په ګټه له خپلو دریځونو څخه شاته شي.
ټیګونه
