له ۶۰ فیصدو ډیر صهیونیسټان د نتانیاهو استعفا غواړي
د یوې نوې نظرسنجۍ پایلې ښئي چې ۶۳ فیصده صهیونیسټي یهودیان د اسرائيلو د رژيم د وزیراعظم «بنیامین نتانیاهو» د استعفا غوښتونکي دي.
د ایرنا د رپورټ له مخې، د معاریو صهیونیسټي ورځپاڼې د نظرپوښتنې له مخې، ۶۳ فیصده صهیونیسټانو ویلي چې «بنیامین نتانیاهو» د ۲۰۲۳ کال د اکتوبر په اوومه د امنیتي ماتې مسئول دی.
په یادې نظرپوښتنې کښې ګډونوال په دې باور دي چې د اسرائیلو د پوځ د لوې درستیز «هرتزی هالیوی» په شان باید له نتانیاهو څخه هم پوښتنه وشي او له وزیراعظمۍ لرې کړې شي.
دغه نظرپوښتنه د صهیونیسټي رژيم د پوځ د لوې درستیز له استعفا وروسته وشوه چې څه موده مخکښې یې د اکتوبر د اوومې د ماتې په وجه یې استعفا ورکړې ده.
له دې مخکښې هم یوشمیر صهیونیسټي چارواکو او د پارلیمان د کمیټو ځینو مشرانو د غزې د اوربند د موافقې د لاسلیکیدو په اعتراض کښې استعفاوې ورکې دي.
اسرائیلي رسنیو د صهیونیسټي رژيم د چارواکو استعفاګانې یوه سیاسي زلزله بللې ده.
