حماس: د اشغالګر رژیم تجاوزات په جِنین کې دوام لري
پارس تودي - د فلسطین د مقاومت اسلامي غورځنګ (حماس) اعلان وکړ چې د صهیونیسټي رژیم وحشیانه تجاوزات د جِنین ښار او د هغه په کمپ کې، چې د غربي غاړې په سیمه کې موقعیت لري، دوام لري.
پارس ټوډی د ایرنا خبري اژانس له قوله لیکلي: حماس د اشغالګر رژیم د جنایتونو د دوام په اړه، چې د جِنین ښار پر ضد یې ترسره کوي، وویل: اشغالګر رژیم د جِنین کمپ ۲۰ زره اوسیدونکي بېکوره کړي او لسګونه نور یې نیولي دي.
دې فلسطیني غورځنګ زیاته کړه: د دې رژیم تجاوزات په طولکرم کمپ کې هم جریان لري او په لسګونو کورونه یې ویجاړ کړي دي.
حماس دغه راز زیاته کړې، د قدس اشغالګر رژیم د غزې تړانګې د تګ راتګ لارې هم بندې کړي او د لسمې ورځې لپاره یې بریښنا پرې کړې ده، په رمضان میاشت کې یې د فلسطیني ښارونو پر ضد وحشیانه یرغلونه زیات کړي او د غربي غاړې په ټولو برخو کې یې د استوګنځیو جوړولو پراخه کړي دي.
حماس د اشغالګر رژیم د الحاق طرحو، د فلسطینیانو د جبري کوچولو او تاریخي حقایقو د بدلولو هڅو ته په اشارې سره وویل چې اشغالګر رژیم د بشري قوانینو، کنوانسیونونو او نړیوالو نورمونو څخه هیڅ یوه ته ژمن نه دی.
