آیا صهیونیسټي رژیم د اوبو متخصص دی؟
پارس ټوډې - د اسرائیلو لومړی وزیر دا رژیم د اوبو متخصص بولي او په خپلو پیغامونو کې هڅه کوي د ایران خلکو ته دا وښيي چې د اوبو د بحران د حل کلي یې په لاس کې ده.
د صهیونیسټي رژیم لومړی وزیر«بنیامین نتانیاهو» یو څه موده وړاندې په یوه ویډیویي پیغام کې د ایران د اوبو بحران ته په اشارې سره ادعا وکړه چې «اسرائیل له وچکالۍ سره د مبارزې متخصص دی» او له ایرانیانو یې وغوښتل چې د «آزادۍ او زیاتو اوبو» لپاره واټونو ته راووځي.
د پارس ټوډې د راپور له مخې، دا ادعاوې په تېرو کلونو (په شمول د ۲۰۱۸ کال) او بېلابېلو پیغامونو کې تکرار شوې دي.
د «نړیوالو سرچینو مؤسسې» د راپور له مخې، د اسرائیلو رژیم د اوبو د شخړو په نړیواله کچه نهم مقام لري او وضعیت یې خراب دی.
په نیواکي سیمو کې باران د کال په اوسط ۴۳۵ ملي متره دی، چې د نړیوال اوسط (۱۰۰۰ ملي متره) څخه کم دی. بارانونه عموماً په شمال او ژمي کې وي، په داسې حال کې چې د نقب صحرا تقریباً وچه ده. سطحي او د ځمکې لاندې د اوبو سرچینې د تېرو ۱۰۰ کلونو تر ټولو ټیټې کچې ته رسېدلې دي او د اوبو کلنۍ کمښت له ۱۵۰۰ څخه تر ۲۰۰۰ میلیون متر مکعبه پورې دی، چې تقریباً د دې رژیم د کلني مصرف سره برابر دی. د سي ان ان د ۲۰۲۲ کال د اګست د راپور له مخې، د اسرائیلو وضعیت داسې دی چې دا رژیم له مدیترانې سمندر څخه د اوبو پمپ کولو په څېر حل لارو ته مخه کړې ده.
د اسرائیلو د مصرفي اوبو لویه برخه د کورني ټکنالوژۍ پایله نه ده، بلکې د لوېدځې غاړې او غزې د سرچینو د کنټرول له امله ده. اسرائیل د لوېدیځې غاړې د غرني او د ځمکې لاندې اوبو له ۸۰ تر ۸۵ سلنه اوبه ترلاسه کوي، په داسې حال کې چې فلسطینیان یوازې ۱۵ سلنه ته لاسرسی لري.
