بلجیم د اسراییلو لپاره د وسلو لېږد منع کړ
بروکسل له فلسطین څخه په ملاتړ کې د صهیوني رژیم لپاره د وسلو او فوځي تجهیزاتو د لېږد پر وړاندې خپل هوايي حریم وتړلو.
د بلجیم د بهرنیو چارو وزارت ویاند الجزیرې ته وویل: موږ اسراییلو ته د هغو وسلو صادرات او انتقال منع کړل چې په فلسطین کې کارول کېږي،.
دغه ویاند زیاته کړه: یوه سلطنتي فرمان اسرائیلو ته د نظامي تجهیزاتو وړونکو الوتکو تګ او د بلجیم له اسمانه په تېرېدو باندې بندیز لګوي. موږ هڅه کوو چې د لویدیځې غاړې او غزې په وضعیت کې د کړکېچ د زیاتېدو مخنیوی وکړو.
دغه ویاند ټینګار وکړ: په هغو الوتکو د تېرېدو بندیز چي اسرائیلو ته وسلې رسوي، له نړیوالو قوانینو سره زموږ ژمنتیا ده.
بروکسل چې د اروپا اتحادیې او ناټو مرکز دی له دې وړاندې هم ، په یوه بې ساري اقدام کې د اسراییلو د نسل وژنې په قضیه کې نړیوالې جزایي محکمې ته د شکایت کونکو په ډله کې شامل شوی و.
بلجیم تیر کال هم د اروپا د ځینو نورو هېوادونو سره په ګډه فلسطین په رسميت وپیژند.