په موصل کې د عراقي ځواکونو پرمختګونه

عراقي ځواکونو د ترهه ګرو په خلاف د خپلو عملیاتو په دوام کې د عراق د شمال د موصل د لویدیځ باب السنجار ته نزدې  الشفاء سیمه  د داعش له ترهه ګرو ازاده او  پاکه کړه .

د العالم چینل د راپور له مخې  په موصل کې میداني کوماندان قاسم المالکي وویل : دعراق پوځیانو پرون د عراق کابو یو نیم سل کورنۍ  چې ماشومان او بوډاګان هم پکې وو  په الشفاء سیمه کې له ترهه ګرو ازادې کړې.

د عراق د موصل په څو لورو کې د عراقیو ځواکونو  په پرمختګ پسې اوس دغه ښار تقریبا ټول د داعش له ترهه ګرو ازادیدو ته نزدې دی.

د داعش له منګولو د موصل د ازادۍ عملیات د دوه زره شپاړسم کال د اکتوبر له اولسمې د عراق د پوځ ، پولیسو  ولسي  ځواکونو او کرد پیشمرګه ځواکونو په شتون سره پيل شوه او عراقیو ځواکونو  له کابو سلو ورځو ورسته د موصل ختیځ له داعشیانو ازاد کړ.