د اسراییلي پوځیانو د جنایتونو دوام

د صهیونسټ رژیم پوځیانو دوه فلسطیني ځوانانو په ډزو ژوبل کړل.

 د فلسطین د دولتي خبري اژانس د راپور له مخې صهیونسټي پوځیانو پرون دغه دوه فلسطیني زلمیان  د رام الله د لویدیځ په دیر ابو مشعل کلي په حمله کې ژوبل کړل.

اسراییلي پوځیانو همداراز په دغه کلي کې په کور په کور تالاشۍ کې  یو شمیر فلسطینیان ونیول.

 د صهیونسټ رژیم پوځیانو په عین حال کې د قدس پخوانۍ برخې ته د فلسطینانو د ورتګ او د فلسطینیو  دکاندارانو د فعالیت مخه نیولې ده .

د فلسطین د بشري حقوقو  ادارې د فلسطینیانو په خلاف د اسراییلو دجنایتونو په غبرګون کې  له ملګرو ملتو غوښتې چې د دغه رژيم په وړاندې دملکي فلسطینیانو ملاتړ وکړي.