په سیاسی انګېزې سره د قطر او سعودی د پولې خلاصېدل
د قطر د بهرنیو چارو وزیر وویل: د قطری حاجیانو مخې ته د قطر او سعودی د پولو پرانېستل سیاسی انګېزه لری.
د روسیا الیوم د رپوټ له مخې د قطر خاجه وزیر محمد بن عبدالرحمن آل ثانی نن د قطر د حاجیانو په خاطر د پولو د پرانېستو لپاره د سعودی له فېصلې څخه هرکلے وکړ او دا یې د خپل هېواد د محاصرې د ختمولو په لړ کښې یو ګام وبلۀ.
د قطر د بهرنیو چارو وزیر همدارنګ تاکید وکړ، سعودی د حج په مناسکو کښې د قطری حاجیانو د امنیت د ټینګولو ذمه وار دے.
د سعودی باچا ملک سلمان پرون د قطری حاجیانو لپاره د سعودی او قطر ترمېنځ د یوازېنۍ لارې د پرانېستو حکم جاری کړ.
د دغې لارې له پرانېستې وروسته نن ماسپښین د قطر د حاجیانو وړومبنے کاروان سعودی ته ورسېد.
سعودی، اماراتو، بحرېن او مصر د تېر جون په پینځمه نېټه له ترهه ګرۍ څخه په ملاتړ او د دغو هېوادونو له سیاستونو سره په نه غږملتیا باندې د دوحې په تورنولو سره له قطر سره خپل سفارتی تعلقات ختم کړل او له دغه هېواد سره یې خپلې زمکنۍ، سمندری او هوائی پولې وتړلې.
