العبادی: رېفرېنډم ختم شو او له تاریخ سره یوځاے شو
د عراق وزیراعظم د کورنیو او بهرنیو مخالفتونو باوجود په کردستان کښې د بېلتون وروستی رېفرېنډم ته په اشارې سره وویل: رېفرېنډم ختم شوےاو له تاریخ سره یوځاے شوے دے.
د سومریه نیوز عراقی چېنل په نقل د فارس خبری اژانس د رپوټ له مخې د عراق وزیراعظم حېدرالعبادی پرون ماښام په بغداد کښې په یو اخباری کانفرنس کښې وویل: کرد مشرانو ته وویل شول چې رېفرېنډم به له هر چا نه اول د کردو ګټو ته زیان ورسوی.
العبادی د دې په بیانولو سره چې هیڅکله به کورنی جنګ ته ورونه دانګی د عراق کردستان چارواکی د هېواد د اساسی قانونو مطابق خبرو اترو ته راوبلل.
هغه د عراق په کردستان کښې د دریو سیمو د جوړولو په سر د هر ډول موافقه تکذیب کړه او وې ویل: هغه دنده لری چې د عراق په ټولو سیمو کښې د مرکزی حکومت حاکمیت پراخه او واکمن کړی.
حېدرالعبادی په کرکوک او نورو لانجه مارو سیمو کښې د تخریبی اقداماتو په باره کښې هم خبردارے ورکړ او تاکید یې وکړ: د عراق بېرغ له ټولو عراقیانو سره تعلق لری او پکار دی د هېواد په هر ځاے کښې ورپول شی.
د عراق وزیراعظم د هېواد په لویدیځ کښې د عراقی ځواکونو د عملیاتو په باره کښې هم وویل: ډېر زر به د داعش له قبضې څخه د عراق د ټولو سیمو ازادی او له سوریې سره په پوله ایزو سیمو باندې تسلط اعلان کړوو.
