د بحرین حکومت یو بل شیعه عالم ونیوه
شیخ محمود العالي د بحرین د خلکو د انقلاب د معنوي مشر شیخ عیسی قاسم سره د پیوستون په تور نیول شوی دی.
د بحرین جمعیت اسلامي الوفاق ملي د آل خلیفه ځواکونو لخوا د بحریني عالم شیخ محمود العالي نیونه په دغه هیواد کښې د شیعه عالمانو د سپکاوي لپاره د هدفمنې پروژې په چوکاټ کښې وبلله.
د مهر خبري آژانس د خبر له مخې د بحرین د الوفاق جمعیت په خبرپاڼه کښې راغلي دي: د دغه روحاني شخصیت نیول چې مهم دیني او ټولنیز موقعیت لري، له مذهبي آزادیو او مختلفو رایو سره د بحرین د چارواکو د دشمنۍ اندازه څرګندوي.
بیانیه زیاتوي: دا کار په بشپړه وحشیانه توګه د دیني آزادیو په هدف ګرځولو کښې د بحریني چارواکو د تورې کارنامې ښودونکو دی او د شیخ محمود العالي نیول د نورو لسګونو دیني عالمانو د نیونې او د هغوي د محاکمه کونې او د دغو عالمانو د سپکاوي او له شیخ العالي څخه د تابعیت د سلبولو په چوکاټ کښې ترسره شوی دی.
د بحرین خبري سرچینو خبر ورکړی چې شیخ محمود العالي د بحرین د خلکو د انقلاب د معنوي مشر شیخ عیسی قاسم سره د پیوستون په تور نیول شوی دی.
