داسلامی هیوادونو اوملتونو وحدت او یووالی د وخت لومړنی ضرورت دی
د سورئې ستر مفتی شیخ احمد بدرالدین حسون نن په عراق کې اسلامی وحدت دټولنې دتاسیس په غونډې کې ووئیل ، پر داعشی فتنې د بغداد له بریالیتوب وروسته او د ویشل کیدا دپلان په وړاندې د سورئې په بریالیتوب سره داسلامی ملتونو او هیوادونو ترمینځ د وحدت او یو موټی کیدا وخت رارسیدلی دی .
زمونږخبریال د العراقیه ټیلیویژنی چینل له قوله راپور راکړ د سورئې ستر مفتی دقدس په باب د امریکا دولسمشر ډونالډ ټرمپ د فیصلې په وړاندې د مسلمانانو او مسیحیانو پر اتحاد په ټینګار سره زیاته کړې ، په سیمې کې د ټولو بدلونونو موخه ، دفلسطین او قدس دموضوع هیرول دی .
له دې مخکې هم دسورئې ستر مفتی امریکا پّ نړۍ کې د نوی دینی جنګ په رامینځةکونې تورنه کړې او له مسیحی نړۍ ،پاپ فرانسس او واتیکانه ئې غوښتی د قدس په ضد دامریکا د حکومت په وروستۍ فیصلې دې اعتراض وکړی . دامریکا جنجالی ولسمشر ډونالډ ټرمپ د تیر دسمبر په شپږمه نیټه قدس، د صهونیسټ رژیم دپلازمینې په توګه ا علان کړی دی ، یو داسې اقدام چې دهیوادونو د ولسونو مشرانو اونړیوالو ټولنو له پراخو مخالفتونو اوغبرګونونو سره مخامخ شوی دی .
