سعودی عربستان په مخالفانو نور بندیزونه لګولی
-
د عربستان رژيم په سلګونو لیکوالان ، فعالان او روحانیون زنداني کړي دي .
ایرنا خبری اژانس وایی د سعودی عربستان چارواکو د زرګونو سیاسی فعالانو او مخالفانو په نیولو سربیره له هیواد څخه دهغوې دبچیانو په وتلو هم بندیز لګولی دی .
د عقیدې زندانیانو په «ټویټر» اینټرنیټ پاڼې ولیکل په دوې کښې ترټولو مشهور کسان د شیخ سلمان العوده بچیان دی چې د خپل پلار د سیاسی فعالیت په پلمه له هیواد څخه په وتلو ورباندې بندیز لګیدلی دی .
د سعودی عربستان لوی څارنوال د روان میلادی کال د سپتمبر دمیاشتې په پینځمه (۵)نیټه د ولیعهد محمد بن سلمان په سیاستونو او دامنیتی ضد ډلو په جوړولو د نیوکې په تور د یوه(۱) مذهبی شخصیت سلمان العوده د اعدام او پانسی کولو غوښتنه کړی وه .
د سعودی عربستان ال سعود رژیم دغه راز د احمد بن راشد بن سعید او د سعید بن ناصر الغامدی چې په بهرنیو هیوادونو کښې اوسیږی په شمول د عربستان د پوهنتون په ځینو استادانو بهر ته په تلو بندیز لګولی دی .
د عربستان رژیم په سلګونو لیکوالان ، فعالان او روحانیون له تیرې سپتمبر میاشتې راهسې د ترهګرو فعالیتونو په شمول په بیلابیلو پلمو نیولې او زندانی کړی دی .
