په عراق کښې ابطال النصر عملیات پاې ته ورسیدل
زمونږ خبریال وايي د عراق ولسي بسیج ځواک الحشد الشعبي بیګا د دغه هیواد په لویدیځ کښې په الانبار ولایت کښې د ابطال النصر په نوم د عملیاتو په بریالیتوب سره د ختمیدا خبر ورکړ .
الحشد الشعبي ځواک د ابطال النصر د عملیاتو په بریالیتوب سره د ختمیدا په اعلان سره وویل د عراق بسیج ولسي ځواکونه په دغو عملیاتو کښې ټاکل شويو هدفونو ته رسیدلي دي .
د عراق ولسي بسیج ځواک الحشد الشعبي د دغه هیواد د پوځ له عسکرو سره یوځاې د تیرې پنجشنبې له سهار څخه د الانبار ولایت په لویدیځ او جنوب لویدیځو سیمو کښې د ابطال النصر په نوم عملیات د هیواد د لویدیځو سرحدونو او د الانبار ولایت په جنوب لویدیځې سیمې کښې د صحرايي سیمو د امنیت د تامینولو په هدف سره پیل کړي وو .
په عراق کښې د داعش ترهګرې ډلې له ماتي خوړلو سره سره اوس هم د دغه ټروریسټي ډلې یوشمیر غړي د هیواد په بیلابیلو سیمو کښې شته او کله نه کله ترهګرې حملې او بم چاودنې کوي .
