د امریکا له دسیسو سره مقابله ضروري ده
زمونږ خبریال وايي د عراق په پارلمان کښې د قانون دحکومت (دوله القانون) ائتلاف غړي محمد الصیهود د العشد الشعبي ولسي ځواک د کمزوري کولو لپاره د امریکا د هڅې خبر ورکړ او ویې ویل عراق به د امریکا د دا ډول دسیسو په وړاندې چپتیا غوره نکړي .
هغه د الحشد الشعبي ځواک په مرکزونو باندې د امریکا د عسکرو په وروستۍ حملې باندې نیوکې سره وویل د امریکا له دا دول دسیسې سره مقابله د عراق ډلو او د چارواکو لخوا د یوشان پروګرامونو غوره کیدا او مشارکت ته ضرورت لري .
امریکا او صهیونیسټ رژیم په سیمه کښې له ترهګرو ډلو سره په مقابلې کښې د عراق د ولسي بسیج ځواک الحشد الشعبي له بریالیتوبونو وروسته په دغه ځواک د دباو د زیاتولو لپاره هڅې ډیرې کړي دي .
بل خبر دا چې د عراق په شمال کښې د نینوا ولایت د شهیدانو ادارې وویل د موصل او د تلعفر ښارونو ترمینځ یې په «تعدیل» کلي کښې یو ډله ییز قبر موندلی دی چې شپږ سوه (۶۰۰) مړي پکښې ښخ شوي دي .
راپورونه وايي چې دغه شپږ سوه (۶۰۰) کسان داعش ډلې وژلي او بیا یې په ډله ییز قبر کښې ښخ کړي دي .
د عراق ځواکونوو په ۲۰۱۷ میلادي کال کښې موصل ښار له داعش ترهګرې ډلې ازاد کړ او تراوسه په دغه ښار کښې ډیر ډله ییز قبرونه موندل شوي دي .
