په بیروت کې د بعبدا له زندانه د لسګونو بندیانو تېښته

د لبنان په پلازمینه بیروت کې له زندان څخه په لسګونو زندانیانو تښتېدلي دي.

د لبنان د النشرې د راپور سره سم، نن سهار وختي ۶۹ بندیان د خپلو کوټو په ماتولو سره له محبس یا زندان څخه تښتېدلي دي.

د تیښتي پر مهال د بندیانو یو موټر له درختې سره مښتی او ۵ تنه یې وژل شوی او یو شمېر هم ټپیان شوي دي.

د پاته زندانیانو د پیدا کولو لپاره په بیروت ښار کې پراخ عملیات پیل شوی دی خو تر اوسه یوازې ۱۰ تنه نیول شوي دي.