د سوریې په دیرالزور کې په امریکایي اډې باندې راکټي برید
د سوریې په دیرالزور کې د امریکایي ترهګرو ځواکونو په اډې باندې راکټي برید شوی چي د امله څو تنه امریکایي فوځیان ژوبل شوي دي.
د المیادین له راپور سره سم، د سوریې په شمالي ولایت ریف کې د کونیکو د ګازي میدان ته څېرمه د امریکې په فوځي اډې باندې له نامعلومو وسله والو له لوري راکټي برید شوی.
تر دې دمه هیڅ یوې ډلي د دې برید مسئولیت په غاړه نه دی اخیستي.
د امریکا فوځ د سوریې د ډیموکراټیک کرد ځواکونو په ملاتړ د سوریې د قانوني حکومت په خلاف د سوریې شمالي سیمي اشغال کړي او د دې هیواد تېل او ګاز لوټولو ته ملا تړلې ده.
امریکایي ځواکونو په ۲۰۱۷ میلادي کال کې د کونیکو ګازي تاسیسات له داعش ترهګرو ډلو څخه ونیول او هلته یې خپله فوځي اډه جوړه کړه.
د سوریې حکومت په دغه هیواد کې د امریکې له فوځي حضور سره مخالفه دی او په ځلونو له واشنګټن څخه غوښتنه کړې چي د دې هیواد اشغال او د ترهګرو څخه ملاتړ ته د پای ټکی کښېږدوي.
