د روسیې خارجه وزیر د لویدیځو هیوادونو په کړچار نیوکه وکړه
ایرنا خبري اژانس وايي د روسیې د بهرنیو چارو وزیر سرګي لاوروف وویل د لویدیځو هیوادونو متکبرانه کړچار د نړیوالو مسائیلو د هواريدا خنډ کیږي .
لاوروف وویل امریکا او د هغه لویدیځ شرکا په بیلابیلو حالاتو کښې په محدود شمیر غړیو سره یوشمیر ائتلافونه جوړوي او د نړیوالې ټولنې لخوا خبره کوي .
هغه وویل یوشمیر لویدیځ هیوادونه چې په سر کښې یې امریکا ده د خپلې ماتیدونکي برترۍ د ساتلو لپاره په چټي هیلې سره هڅه کوي چې د خپل د نظر وړ اصول د ملګروملتونو د منشور او د نړیوالو معیارونو ځای ناستي کړي .
امریکا په تیرو کلونو کښې په ځلونو د خپلې نړیوالې سلطې د شرایطو د تامینولو په هدف سره یوشمیر ائتلافونه جوړ کړي دي او په دوې کښې ځینو ائتلافونو په دوه زره دریم (۲۰۰۳) میلادي کال کښې په عراق د برید او د دغه هیواد د نیواک په شمول په خونړیو لشکر کشیو کښې له امریکا سره مرسته کړي ده .
د امریکا د دا ډول هڅو اخري مورد د تش په نامه د ډیموکراسۍ د اینټرنیټي غونډې ترسره کول دي چې له پرون څخه پیل شوي ده او نن هم دوام لري .
