د امریکا خلکو افغانستان ته له مرستو سره مخالفت کړی
د امریکا د مارنینګ کانسالټ (Morning Consult ) موسسې د نظر پوښتنې پایلې چې د جنورۍ په پینځلسمه (۱۵) او شپاړسمه (۱۶) نیټه له دوه زره پینځه سوه (۲۵۰۰) ګډون کونکو سره د مرکو له لارې لاس ته راغلي دی د دې ښودنه کوي د امریکا شپيته (۶۰) فیصده رايي ورکونکي (voters) د افغانستان خلکو ته د واشنګټن د انسان دوستانه مرستو له استولو سره مخالف دي او اولس (۱۷) فیصده نور بیا موافق دي او درویشت (۲۳) فیصده کسانو هم خپل هیڅ نظر څرګند نکړ .
په دغه نظر سنجې کښې د ګډون کونکو کسانو له ټولګې څخه د ډیموکراټ ګوند اوه څلویښت (۴۷) فیصده رايي ورکونکي مخالف ، اوویشت(۲۷) فیصده موافق او نورو بیا هیڅ نظر څرګند نکړ .
دغه راز د ریپبلیکن ګوند شپږ اویا (۷۶) فیصده رایې ورکونکي مخالف ، اته (۸) فیصده موافق او پاتې نورو کسانو بیا هیڅ نظر څرګند نکړ .
واک ته د طالبانو له رسیدا وروسته امریکا د افغانستان د مرکزي بانک کابو نهه (۹) اعشاریه پینځه (۵) میلیارډه ډالر کنګل کړي دي .
امریکا په ځلونو ویلي دي چې د افغانستان د ډالرو د زیرمو د ازادولو لپاره هیڅ پروګرام نلري .
