په متحده عربي اماراتو کښې د امریکا الوتکې دیره شوې
رویټرز خبري اژانس وايي امریکا په داسې حال کښې د سیمه ییزو شرکانو د دفاع په نوم خپلې ایف دوه ویشت (F-22) جنګي الوتکې په ابوظهبۍ کښې دیره کړي دي چې هماغه راز په یمن باندې د سعودي عربستان د ائتلاف د تیریو له غندلو ډډه کوي .
د امریکا یوشمیر ایف دوه ویشت (۲۲) ډوله جنګي الوتکې پرون د متحده عربي اماراتو د پلازمینې الظفره په اډې کښې دیره شوې .
دغه اقدام له متحده عربي اماراتو څخه د امریکا د هراړخیزه ملاتړونو نښه ده کوم چې په تیرو اونیو کښې د یمن په جنګ کښې د فتنې د رامینځته کولو په دلیل د یمن د پوځ او د ولسي ځواکونو له توغندوي حملو سره مخامخ شوی دی .
د امریکا د هوايي ځواک د اعلان پراساس د ابوظهبۍ په الظفره اډې کښې د ایف دوه ویشت ډوله د پینځم (۵) نسل د جنګي الوتکو دیره کیدل د امریکا د دفاع وزیر لویډ اسټین او د ابوظهبۍ د ولیعهد محمد بن زاید ال نهیان ترمینځ له ترسره شویو غږملتیاو وروسته ترسره شوي دي .
د امریکا چارواکو متحده عربي اماراتو ته د استول شویو ایف دوه ویشت ډوله جنګي الوتکو د شمیر په هکله څه نه دي ویلي .
امریکا د یمن د ملت پرضد په تیرو اوو(۷) کلونو ستومانه کونکي جنګ کښې د سعودي عربستان په ائتلاف باندې د ډول ډول سپکو او د درنو وسلو یو اصلي خرڅونکی او له یمن سره د جنګ د زیاتولو اصلي عامل هیواد دی .
