روسیه به د امریکا بایکاټونو ته پریکنده ځواب ورکړي
ایرنا خبري اژانس وايي د روسیې د بهرنیو چارو وزارت وویل د امریکا بایکاټونو ته به پیاوړی او متناسب ځواب ورکړي .
د روسیې ولسمشر ولادیمیر پوتین په تیرې دوشنبې ورځ د ماسکو امنیتي اندیښنو ته د لویدیځو هیوادونو په بې پامۍ باندې نیوکې سره وویل روسیه د دونتسک او د لوهانسک جمهوریتونو خپلواکۍ په رسمیت پیژندي .
امریکا د اوکراین د وروستیو بدلونونو او د دونتسک او د لوهانسک جمهوریتونو د خپلواکۍ په رسمیت پیژندلو کښې د روسیې د اقدام په وجه د ماسکو پرضد ځینې بندیزونه اعلان کړل .
روسیې له بایکاټونو څخه د امریکا کار اخیستل غیر رغنده او نه اغیز شیندونکي چاره بللي ده .
د روسیې خارجه وزارت وویل ماسکو دغه حقیقت ثابت کړی دی چې د بایکاټ په ټولو شرایطو کښې د تاوانونو د اغیز د کمولو توان لري او د بایکاټ دباو نشي کولای د خپلو ګټو د دفاع کولو لپاره زمونږ په ارادې اغیز واچوي او خنډ رامینځته کړي .
د روسیې خارجه وزارت وویل امریکا له ګواښ ،دباو او بایکاټ پرته بل هیڅ اوزار په لاس کښې نلري خو دغه اوزار د نړیوالو قدرتونو په هکله هیڅ اغیز نلري .
