د روسیې پوځیانو په اوکراین کښې پرمختګ له سره پیل کړ
ایرنا خبري اژانس وايي د روسیې دفاع وزارت وویل په ماریو پول او ولناواخا سیمو کښې د ماسکو د عسکرو پرمختګ چې په موقته اوربند سره دریدلی و د اوکراین د عسکرو له کارړنګونې وروسته له سره پیل شو .
د روسیې د دفاع وزارت ویاند ایګور کوناشنکوف پرون مازیګر وویل د ماسکو پوځیانو پرون مازیګر شپږ بجې د اوربند د رعایتولو لپاره په وسله والو ملي پالو ځواکونو باندې د دباو د راوستلو لپاره د کي یف له نه ګروهنې وروسته په عملیاتي سیمو کښې پرمختګ له سره پیل کړ .
د روسیې دفاع وزارت وویل زمونږ پوځیانو په تیرو څلرویشتو ساعتونو کښې د اوکراین څلور(۴) سوخوی اوویشت ډوله جنګي الوتکې غورځولي دي .
د روسیې څلرویشتم ټیلي ويژن هم د اوکراین په جنوب کښې د خرسون سیمې ته نږدې د اوکراین د پوځ د یوې اډې د نیولو خبر ورکړ .
دغه راز د اوکراین د ولسمشر ولادیمیر زلنسکي دفتر وویل له روسیې سره د اوکراین د خبرو اترو دریم پړاو په راتلونکو دوو یا دریو ورځو کښې ترسره کیږي او د مذاکراتو ځای نه دی بدل شوی .
