د مسلمانانو علماو ټولنې د رسول اکرم (ص) سپکاوی وغنده
زمونږ خبریال وايي د مسلمانو علماو د نړیوالې ټولنې مشر د اسلام د ګران پیغمبر حضرت محمد صلی الله علیه واله وسلم له سپکاوي سره د مقابلې کولو پرضرورت ټینګار وکړ.
د مسلمانو علماو د نړیوالې ټولنې مشر «علي القره داغي» د ترکیې په استانبول کښې د هندوستان د کنسولګرۍ مخ ته د یوشمیر علماو په غونډې کښې د اسلام ګران پیغمبر حضرت محمد(ص) ته د سپکاوي په شان له اقداماتو سره د مقابلې پرضرورت ټینګار وکړ او د اسلام د ستر پیغمبر حضرت محمد مصطفی صلي الله علیه واله وسلم د سیرت او د هغه د ښو اخلاقو او اعمالو یادولو ته د جمعې لمانځه د خطبو د بیلولو غوښتنه وکړه.
له دې مخکې د ایران اسلامي جمهوریت ، قطر، کویت، عربستان او د اسلامي ملګرتیا موسسې ، پاکستان او یمن د اسلام د ګران پیغمبر په سپکاوي کولو کښې د هندوستان د واکمن بي جی پي ګوند د مسوول سپکاوی غندلی و.
د پیغمبر اکرم حضرت محمد مصطفی صلی الله علیه واله وسلم په سپکاوي کښې د «ناوین کومار جیندال» له اقدام وروسته ډیرو مسلمانانو غبرګون ښودلی او هغوې د هندوستان له حکومت سره د چلند کولو او د هندوستان د جوړو شیانو د بایکاټ کولو غوښتنه کړي ده.
