د افغانستان له خاورې پر ازبکستان توغندي بریدشوی
دغه توغندوي حمله په داسې حال کې شوې چې په افغانستان کې دطالبانو موقته حکومت په کرتو وئيلي دي،ددغه هیواد خاوره د ګاونډیو هیوادونو لپاره هیڅ ګواښ نه ده .
فرانس پریس خبری آژانس راپور ورکړی،د ازبکستان خارجه وزارت نن سهار په یوې اعلامیې کې وئيلي دي،پرون ناوخته ،د ازبکستان د ترمز ښار په هستوګنو سیمو باندې د افغانستان له خاورې پنځه توغندي لیګیدلي دي. البته په دغې حملې کې کومې مرګ ژوبلې نه دی اوښتي .
په راپور کې ويل شوي دي ، ددغې حملې پړه کومې ډلې په غاړه نه ده اخستې ، خو له دې مخکې هم دافغانستان له خاورې په ازبکستان اوتاجیکستان باندې توغندوي حملې شوي وې چې داعش تکفیری ترهه ګرې ډلې ئې پړه په غاړه اخستې وه .
د افغانستان له خاورې د ازبکستان او تاجیکستان پر خاورې د داعشیانو توغندوي حملې، ښئ چې پر نوروهیوادونو د حملې لپاره دافغانستان له خاورې د ترهه ګرو د استفادې په مخنیوي کې د طالبانو دموقته حکومت په کمزورتیا د ګاونډیو هیوادونو اندیښنه په بشپړ ډول سمه ده .
په تیر اوړي کې پر افغانستان د طالبانو له بیا سلطې وروسته،د سیمې په تیره بیا د ګاونډیو هیوادونو د طالبانو له موقته حکومته تر ټولو مهمه غوښته،د دوي پر امنیت د حملو او له خطرو سره دمخامخولو لپاره دترهه ګرو په تیره بیا دد اعشیانو له استفادې مخنیوی دی .
