د هندوستان د واکمن ګوند استازی ونیوی شو
د هندوستان د واکمن ګوند یو نماینده د اسلام د ګرانقدره پيغمبر په شان کښې له سپکو څرګندونو وروسته ونیوې شو
د فارس خبري آژانس په لیکنه، د هندوستان د وزیراعظم نریندر مودي په مشرۍ د واکمن بي، جی، پي ګوند د استازی راجا سنګ له خوا د اسلام د مبین دین او د رسول الله مبارک خلاف سپکې څرګندونې د دغه هیواد په حیدر آباد کښې د سختو اعتراضونو لامل وګرځیدې او هندي پولیس یې د دغه نماینده نیولو ته مجبور کړل.
راجا سنګ بیګا په یولړ څرګندونو کښې د اسلام د ګرانقدره پیغمبر(ص) خلاف د بي، جی، پي ګوند د معلق شوې ویاندوې ناپور شرما سپکې خبرې تکرار کړې وې.
دغه څرګندونې په حیدر آباد کښې د اعتراضونو له یوې پراخې څپې سره مخامخ شوې. معترضینو د سړکونو په بندولو او د پولیس سټیشن مخې ته په راغونډیدو سره د دغه استازي د نیولو غوښتنه وکړه چې له امله یې پولیس د هغه نیولو ته مجبور شول.
