د امام حسن عسکري علیه السلام زوکړه مو مبارک شه
نن د ربیع الثاني د میاشتې اتمه نیټه د موعود ژغورونکي امام زمان(عج) د زیري ورکونکي امام حسن عسکري علیه السلام د ولادت کلیزه ده
د شیعه مسلمانانو یوولسم معصوم امام حضرت حسن عسکري علیه السلام د ۲۳۲ هجري قمري کال د ربیع الثاني میاشتې په اتمه نیټه په مدینې منورې کښې دنیا ته راغی.
دغه بزرګواره امام د شیعه افکارو په بیانولو او د دیني شبهاتو د ردولو په لړ کښې د اسلام د مبین دین ساتنې او پراخولو ته ملا وتړله او د حضرت امام مهدي(عج) د امامت په زمانه کښې د مسلمانانو د کړنلارې په بیانولو سره یې خلک د وروستي معصوم امام د غیبت پړاؤ ته تیار کړل.
یوولسم معصوم امام د قرآن مجید بې ساری مفسر و او د خپل امامت په زمانه کښې یې خلکو ته د دغه اسماني کتاب د تفسیر صحیح طریقه وښودله او د موعود ژغورونکي د راتلو په زیري سره یې مسلمانانو د اسلام لوړو آرمانونو ته رسیدو ته هیله مند کړل.
امام حسن عسکري علیه السلام په ماشومتات کښې د خپل پلار امام هادي علیه السلام د پوهې سره سرچینې خړوب شو او په ۲۲ کلنۍ کښې یې د محترم پلار په شهادت سره د امت د امامت درنده ذمه واري په غاړه واخیستله او شپږ کاله یعنې تر خپل شهادته پورې یې سر ته ورسوله.
د امام حسن عسکري علیه السلام د نیکمرغه زوکړې په مناسبت زمونږ مبارکي ومنئ.
