د اسلامو فوبیا په وسلو سره د جنګ او تبعیض توجیه: څو نظرونه
د اسلاموفوبیا نظریه د مسلمانانو پر وړاندې تبعیضي اقدامات د جواز وړ ګڼي او په دې باور دي چې اسلام په طبیعي ډول لوېدیځ او د هغه ارزښتونه ګواښي.
پارس ټوډې – د لوېدیځ له ړنګېدو وروسته، د امریکا متحده ایالاتو له هغه سره د مقابلې لپاره یو اجنبي عنصر تعریف اود خپل نړیوال رول د بیا تعریف هڅه کړې ده. د امریکایي سیاستوالو لخوا د پام وړ اسلامو فوبیا، د هالیوډ د تولیداتو له لارې خورا زیاته شوې ده.
اسلامو فوبیا د استعمارګرو د فکر زېږنده
د صدا او سیما د اسلامي څېړنو د عمومي ریاست د هنر، ارتباطاتو او مجازي فضا د څانګې مشر احسان آذرکمند وايي: اسلامو فوبیا د لوېدیځو هېوادونو د استعمارګرانو د فکر محصول دی. د دغه رسنيز څېړونکي په اند، په وروستیو سلو کلونو کې له اسلام څخه ويره، د سياسي اسلام په تخریب سره پيل شوه، يعنې کله چې د نړۍ په اسلامي اشرافيه ټولنه او د لوېديځ په بېلابېلو هېوادونو کې، د ماډرنيزم او فکري توب خوځښتونه رامنځته شول، لوېدیځ د اسلامو فوبیا دغه څپې تعقیب کړې. په حقیقت کې، ځینو خلکو فکر کاوه چې که مسلمانان په همدې طریقې او معیارونو سره خپل هویت له سره جوړ کړي، نو دا به لوېدیځو هېوادونو ته لوی خطر وي.
په اسلامو فوبیا کې د امریکا رهبري
د پوهنتون د علمي کادر غړی بشیر اسماعیلي هم د دښمن د لرلو لپاره د سیاستوالو د حیاتي اړتیا په اړه وايي:
د دوه قطبي نظام له ړنګېدو سره، د نړیوالو اړیکو ډګر او په پایله کې د امریکا بهرنۍ پالیسي، د یوازیني زبر ځواک په توګه، د معنی او هویت له بحران سره مخ شوه.
په دې وخت کې، ځینو امریکايي مفکرینو د بهرنۍ تګلارې د سمولو او د کمونیزم د بدیل د برابرولو لپاره ډېرې هڅې وکړې، خو د امریکا د بهرنۍ تګلارې د تشریح او مفکورې لپاره، د ۲۰۰۱ کال د سپټمبر د ۱۱مې پېښې په څېر هېڅ یوه قضیه هم اغېزمنه نه شوه.
د پوهنتون د علمي کادر غړی بشیر اسماعیلي هم، د دښمن د لرلو لپاره د سیاستوالو د حیاتي اړتیا په اړه وايي:
له دې پېښې څخه په استفادې سره، د بهرنۍ تګلارې په برخه کې له یوې مودې سرګردانۍ او د کمونیزم له ړنګېدو وروسته، امریکايي سیاستوالو یوه نوې تګلاره وړاندې او هغه یې په ټوله نړۍ کې عملي کړه. په نیویارک کې پر سوداګریز نړیوال مرکز او پنټاګون باندې د ۲۰۰۱ کال د سپټمبر د ۱۱ مې شکمن تروریستي بریدونو، د تل لپاره د ځان او نړۍ په اړه د امریکایانو نظر بدل کړ. دا برید د امریکا په کورني او بهرني سیاست کې د ارزښت د سیستم د جوړولو بنسټ شو. د اسلامو فوبیا د توجیه کولو لپاره یوه زمینه.
په هالیوډ کې د اسلام د معرفي کولو محور
د پوهنتون استاد او د رسنیو کارپوه علي دارابي، د اسلاموفوبیا لپاره لاندې محورونه یاد کړي دي، کوم چې هالیووډ پرې تمرکز کړی او د امریکایي رسنیو د ډیپلوماسۍ ملاتړي ګڼل کېږي:
۱- د یو ثابت، منسجم او نه بدلیدونکي جوړښت په توګه د اسلام معرفي کول
2- اسلام د یو جلا وجود په توګه وړاندې شي، چې له نورو کلتورونو سره هېڅ ګډ ارزښت نه لري.
3- په دې توګه دا وړاندې شي چې اسلام د لوېدیځ کلتور په پرتله په ټیټه درجه کې دی.
۴- اسلام یوازې د سیاسي ایډیالوژۍ په توګه تعریف شوی، چې یوازې د سیاسي او نظامي چارو لپاره کارول کېږي.
د اسلاموفوبیک لیدل لوری په دې باور دی چې په دې دلیلونو سره، د مسلمانانو پر وړاندې تبعیضي کړنې د توجیه وړ دي او په دې باور دي چې اسلام په طبیعي توګه لوېدیځ او د هغه ارزښتونه ګواښوي.
د اسلام پر وړاندې په رواني جګړه کې د هالیووډ کارول شوي طریقې
د امام خمیني(ره) د پوهنتون د علمي پلاوي غړی سید حسین شرف الدین د اسلامو فوبیا په تړاو د هالیووډ کارول شویو طریقو په اړه لیکلي:
د دوی له تخریبي تاکتیکونو څخه د بدنامۍ، سپکاوي، تحقیر او ښکاره او واضح ډول ملنډې وهل دي. ښکاره ده چې دغه القائات د ډول ډول شکلونو، د موضوعاتو د ډېروالي، د بیانولو ډول والی، د آثارو د تکرار او د آثارو د کارونې له امله په تدریج سره، د اورېدونکو په ناخودآګاه ذهن کې نفوذ کوي او د هغه په ادراکي نظام کې یو ډول ذهني حالت رامنځته کوي.
د مسلمانان پر وړاندې نفرت
آرزو مرالي د تهران د پوهنتون د استاد ډاکټر سعیدرضا آملي لخوا وړاندیز شوي د کلتوري اړیکو په ډګر کې "د تسلط نفرت" ماډل په تشریح کولو سره وویل: په لوېدیځه ټولنه کې د واکمنۍ روایات، نفرت ته وده ورکوي. په لوېديځ کې د مسلمانانو په اړه د نفرت دا فضا د هاليووډ، قوانينو، سياستونو، ښوونې او روزنې او رسنيو له خوا رامنځته کېږي.
په تفریحي صنعت کې، د مسلمانانو دا معرفي کول، د هغه کسانو په توګه چې ډېر کم انسانان دي او ځانګړي مذهبي عقاید لري، د "الله اکبر" نارې کوي، او همدارنګه د فلمي صنعت له رامنځته کېدو راهیسې د ایرانیانو، پاکستانیانو او نورو په څېر په کلیشه يي ډول معرفي کول هم روان دي.
هغه ادامه ورکوي: هغه څه چې اوس پېښ شوي دا دي چې موږ د "کم انسان" په توګه د انځور کولو څخه بهر تللي یو او د دې پرځای چې وښیو چې یو کس د فلم په پای کې مړ کېږي او د هغه ټول کسان خوشحاله کېږي، اوس د یوې ځانګړې پرګنې پر وړاندې د تاوتریخوالي کلتور ته وده ورکوي. ښايي کله چې د "امریکي نښان ویشتونکي" فلم خپور شو، نو هېچا نه ویل چې د فلم جوړونکو هدف دا وو چې خلک د مسلمانانو وژلو ته وهڅوي، خو اوس ګورو چې د دغه فلم له خپرېدو وروسته، لږ تر لږه په امریکا او کاناډا کې راپورونه وشول چې خلک په لارو کوڅو کې پر مسلمانانو ډزې کوي او د یوه نښان ویشتونکي په څېر مسلمانان اعداموي. دا امریکايي نښان ویشتونکی نه وو چې دا کړنې یې پیل کړې، بلکې کلونه کلونه زمینه جوړونه او د غیر انسانانو په توګه د مسلمانانو معرفي کول د دې پروژې کلي وه.
کلیدي کلمې: اسلامو فوبیا څه ده، اسلام فوبیا په لوېدیځ کې، مسلمانان په لوېدیځ کې، اسلام څه دی؟
