اروپایي ټولنه به پر اسرائیلي رژیم بندیزونه ولګوي

پارس‌ټوډي - اروپائي ټولنې  په یوې خبرتیا کې وئيلي   چې په غزې  تړانګې کې د جګړې د پراخیدو  په دلیل به پر اسرائیلي رژیم ځینې بندیزونه ولګوي.

د رویټرز خبري اژانس د راپور له مخې،   اروپائي کمیشن نن سهار  وختي  پر اسرائیلي رژیم ځیني نوي بندیزونه تصویب کړل.

د اروپائي کمیشن د اعلان له مخې، په غزې ښار کې د اسرائیلي رژیم عملیاتو پراخول به د لا زیاتې ویجاړۍ او مرګ‌ژوبلې لامل شي.

د اروپائي کمیشن ویاندې ویلي، له اسرائیلي رژیم سره د ټولنې په سوداګریزو تړونونو کې ځینې مادې به په دغو بندیزونو کې وځنډول شي.

د بریتانیې د بهرنیو چارو وزارت هم په دې مناسبت اعلان کړی چې په غزې کې د پوځي عملیاتو پراخول باید ودرول شي، ځکه چې دا کار د اسرائیلي بندیانو  د خوشی کیدا هیلې له مینځه وړي او د غزې اوسیدونکو ته نورې بدبختۍ رامینځةکوي او انساني ناورین به لازیات کړي