دسوریې د ترهګرو د انتقالیدا کار پیل شوی دی
-
دسوریې حکومت اوس ترهګرۍ ته د ماتي د ورکولو په درشل کښې دی .
ایرنا خبری اژانس وایی د سوریې د ریف دمشق ولایت له جنوب لویدیځ څخه ادلب او درعا ولایتونو ته د النصره ترهګرې ډلې دغړیو د انتقال عملیات پیل شول .
دسوریې د سرې میاشتې امبولانسونه او بسونه پرون د ریف دمشق ولایت له جنوب لویدیځ څخه په شمال لویدیځ کښې ادلب او په جنوب کښې درعا ولایتونو ته د النصره ترهګرې ډلې دغړیو د انتقالولو لپاره واستول شول او دټروریسټانو په منتقلولو بوخت شول .
دسوریې عسکرو د ریف دمشق ولایت په جنوب لویدیځ کښې د البردعیه لوړو په ختیځې برخې کنټرول سره د دمشق د جنوب لویدیځ په خوا کښې په «بیت جین» کروندو کښې د ترهګرو د کلابندۍ کړۍ تنګه کړه .
څه دپاسه شپږ(۶) کاله کیږی سوریه د داعش او د النصره په شمول د تکفیری ترهګرو ډلو په شتون سره چې د لویدیځ او دسیمې د ځینو عربوهیوادونو په تیره بیا دسعودی عربستان لخوا ملاتړ لری له کړکیچ سره مخ ده .
د سوریې دپوځ او د حزب الله دځواکونو په پرمختګ سره دغه هیواد له کلونو کلونو مقاومت وروسته اوس ترهګرۍ ته د ماتی د ورکولو په درشل کښې دی .
