دسوریې عسکرو د جیش الاسلام ډلې پرضد عملیات پیل کړی

فارس خبری اژانس وایی دسوریې عسکرو د دمشق په ختیځ کښې په النشابیه ، حزرما او زریقی چورلیزونو کښې له څو میاشتو ځنډ وروسته د جیش الاسلام ترهګرې ډلې پرضد پوځی عملیات پیل کړل .

دغه پوځی عملیات له څو میاشتې ځنډ وروسته اوناڅاپه په غوطه کښې په المرج سیمه کښې پیل شوی دی او حکومتی عسکر په دغه سیمه کښې د جیش الاسلام ترهګرې ډلې په مرکزونو د بمباریو په حال کښې دی او د ترهګرو پرضد درنې وسلې کاروی .

دسوریې عسکرو په غوطه شرقی په تیره بیا په تل فرزات او حوش الفضاییه جبهو کښې هم پوځی عملیات پیل کړی دی او له ځمکې او هوا څخه دټروریسټانو په مرکزونو بمبارې کوی  .