امنیت شورا د افغانستان په ستونزو اندیښنه وښودله
-
د امنیتي مشکلاتو حل یوازې دافغانستان دحکومت مسولیت نه دی بلکې دغه کار باید په سیمه ایز ډول حل شي .
ایرنا خبری اژانس وایی د ملګروملتونو د امنیت شورا غړیو او دافغانستان ګاونډیو هیوادونو پرون په یوې غونډې کښې په دغه هیواد کښې په موجودو مشکلاتو د اندیښنې په څرګندولو سره د پایدارې پراختیا لپاره په سیمه ایزو ملګرتیاو ټینګار وکړ .
د ملګروملتونو سرمنشی انتونیو ګوترش په افغانستان او مرکزی اسیا کښې د سیمه ایزو ملګرتیاو د موضوع په اړه دامنیت شورا په ځانګړی غونډې کښې وویل د افغانستان د اوبو سرچینې تر سخت دباو لاندې ورغلی دی او دغه موضوع د ډیرې سیمه ایزې ملګرتیا زمینه کیدلای شی .
ګوترش په دې خبرې سره چې دتجارت زیاتیدل دافغانستان او دسیمې له غوړیدا او پایداره پراختیا سره مرسته کولای شی وویل د امنیتی مشکلاتو حل یوازې دافغانستان دحکومت مسولیت نه دی بلکې دغه مشکل باید په سیمه ایز ډول حل شی .
د ملګروملتونو سرمنشی انتونیو ګوترش ددغه موسسې له ترهګرۍ سره د مبارزې د پلان د اجرا لپاره د مرکزی اسیا د سیمې دهیوادونو په ملګرتیا ټینګار وکړ او ویې ویل د مرکزی اسیا هیوادونه کولای شی په سیمه ایزې ملګرتیا سره د پایداره پراختیا او دصلحې هدفونو ته ورسیږی .
د قزاقستان خارجه وزیر غیرت عبدالرحمانف هم چې هیواد یې د نوی میلادی کال په لومړۍ(۱) میاشت کښې د ملګروملتونو د امنیت شورا پړاویزه مشرۍ پرغاړه لری د افغانستان له چیلنجونو سره د مقابلې لپاره په سیمه ایزې ملګرتیا ټینګار سره وویل دغه کړچار له ګواښونو سره افغانستان د مقابلې لپاره مهم دی .