امریکا په سیمه کې د ایران برلاسی نه شي زغملی
د امریکا د ولسمشر مرستیال ادعا وکړه: ایران په سیمه کې دخپل نفوذ په پراختیا پسې دی او امریکا دغه خبره نه شي زغملې.
مایک پنس پرون په اردن کې د امریکایی پوځیانو په ټول کې چې سوریې ته نزدې د اردن په یوه اډه کې ځای پر ځای دي وویل : ایران په سیمه کې د برلاسي په موندلو او د سیمې په لوی طاقت د بدلیدلو په لټه کې دی چې په سیمه کې د امریکا متحدان وګواښي. دامریکا د ولسمشر مرستیال همداراز ادعا وکړه چې امریکا به هیڅ کله پرې نه ږدي چې ایران د خپلو ایټمي وسلو د پراختیا پروګرم جاري وساتي.
د امریکا د ولسمشر دمرستیال دغه ادعا په داسې حال کې ده چې د ایټمي انرجۍ نړیوال اژانس تر اوسه نهه ځله په ایټمي موافقې د یران پابندي تایید کړې او اعلان یې کړی چې د ایران په سوله ایز ایټمي پروګرام کې هیڅ ډول کوږوالی نه دی لیدل شوی.
په سیمه کې د ایران د ګواښ والي په هکله د مایک پنس ادعا هم تش تور او په نورو د ستونزو مسوولیت اچول دي ځکه چې اسلامي ایران په سیمه او سوریه کې د ترهه ګرو په ختمولو او په عراق او لبنان کې د ثبات په ټینګولو او د نړۍ له مظلومانو په دفاع کې مثبت رول لوبوي
د ایران ولسمشر حسن روحاني، د ایران کامیابۍ د دښمنانو د سترګو خار او د امریکا او صهیونسټ رژیم لپاره د نه منلو وړ بللې دي.
