دفلسطین ډلو دامریکا اقدام وغاند
-
د امریکا خزاني وزارت پرون د فلسطین د اسلامي مقاومت غورځنګ حماس د سیاسي دفتر د مشر اسماعیل هنیه نوم د امریکا دبایکاټونو په فهرست کښې شامل کړ .
المیادین ټیلی ویژن راپور ورکړ دفلسطین د جهاد اسلامی او دفلسطین دازادۍ لپاره ولسی جبهې د ترهګرو په فهرست کښې د حماس غورځنګ د سیاسی دفتر دمشر اسماعیل هنیه دنوم په لیکلو کښې د واشنګټن اقدام د فلسطین ملت ته سپکاوی وباله .
د فلسطین دازادۍ لپاره ولسی جبهې پرون وویل د ترهګرو په فهرست کښې د حماس غورځنګ دسیاسی دفتر دمشر اسماعیل هنیه د نوم په شاملولو کښې د امریکا اقدام په حقیقت کښې د فلسطین د ملت د مقاومت او د ټولو خلکو دترهګر بلل دی .
دفلسطین جهاد اسلامی غورځنګ هم وویل د ترهګرو په فهرست کښې د حماس د سیاسی دفتر د مشر اسماعیل هنیه د نوم په شاملولو کښې دامریکا فیصله د فلسطینانو له حقوقو او دفلسطین له ملت سره د امریکا دپرله پسې ضدیت په چوکاټ کښې ترسره کیږی .
دفلسطین جهاد اسلامی غورځنګ ټینګار وکړ مونږ ډاډمن یوو دغه فیصله به دحماس غورځنګ په سیاست او ددغه غورځنګ دمشرانو چې په سر کښې یې اسماعیل هنیه دی په دریځونو هیڅ اغیز ونلری .
د امریکا خزانی وزارت پرون د فلسطین د اسلامی مقاومت غورځنګ حماس د سیاسی دفتر د مشر اسماعیل هنیه نوم د امریکا دبایکاټونو په فهرست کښې شامل کړ .
د امریکا خارجه وزیر ریکس ټیلرسن هم په یوې (۱)بیانیې کښې ادعا وکړه د فلسطین دحماس غورځنګ دسیاسی دفتر مشر اسماعیل هنیه چې غزه تړانګه په کنټرول کښې لری د مینځنی ختیځ ثبات ته ګواښ کوی او هغه له اسرائیلو سره د صلحې دخبرو د بهیر ګډوډونکی دی .
