د سوریې حکومتی عسکر په عفرین سیمه کښې دیره کیږی
-
دسوریې حکومت دترکیې پوځي عملیات د خپل هیواد د ځمکنۍ بشپړتیا او واکمنۍ خلاف ورزۍ بللي ده .
دلبنان المیادین ټیلی ویژن راپور ورکړ د سوریې حکومت او کرد عسکرو موافقه وکړه چې حکومتی عسکر په عفرین سیمه کې دیره شی .
دغه ټیلی ویژن چینل بیګا د خبروسرچینو په قول راپور ورکړ د سوریې حکومت او د کرد مدافع ځواکونو یعنی وایی پی ، جی (YPG)عسکر په یو لړ خبرو کښې موافقې ته رسیدلی دی چی پراساس به یې په عفرین سیمه کښې د سوریې حکومتی عسکر دیره شی .
دغو خبرو سرچینو ټینګار وکړ چې دسوریې د حکومت او دکرد ځواکونو دغه موافقه دسوریې په شمال کښې په حلب کښې په عفرین سیمې د ترکیې له حملو سره د مقابلې په هدف سره شوی ده .
د سوریې دعفرین سیمې په لور د ترکیې او دغه هیواد تر امر لاندې د پوځیانو او عسکرو له پرمختګ سره په یووخت دسوریې کرد عسکرو په عفرین سیمه کښې د حکومتی عسکرو د دیره کیدا په اړه د دمشق د حکومت له و ړاندیز سره موافقه کړی ده .
دسوریې پوځ په عفرین سیمه کښې د ترکیې د عسکرو د پوځیانو عملیاتو له لومړیو څخه کرد عسکرو ته وړاندیز وکړ چې حکومتی عسکر د زیتون د څانګې د عملیاتو دمخنیوی په هدف سره په دغه سیمه کښې دیره شی .
خو دسوریې کردانو مخکې د حکومت له دغه وړاندیز سره مخالفت کړی وو .
دترکیې پوځ د روان میلادی کال د جنورۍ د میاشتې له شلمې(۲۰) نیټې راهسې د سوریې دحکومت له اجازې پرته په عفرین سیمه کښې د زیتون د څانګې په نوم غیرقانونی پوځی عملیات پیل کړی دی .
ترکیې ددغو پوځی عملیاتو هدف د سوریې له کردا ځواکونو سره مقابله بللی ده خو دسوریې حکومت دترکیې دغه پوځی عملیات د خپل هیواد د ځمکنۍ بشپړتیا او واکمنۍ خلاف ورزۍ بللی ده .
